خوراک کی بد اعمالیاں

اسلام و علیکم! دوستو ہم یہاں شوگر اور بلڈ پریشر جیسے موذی بیماریوں سے نجات کا غذائی طریقہ بتانے جا رہے ہیں۔ دنیا اس طریقہ کو اپنا کر جسم کو صحتمند بنا رہی ہے اور اس کے نتیجے میں ادویات کا استعمال کم سے کم ہو رہا ہے۔ میں نے یہ خوراک مارچ 2023 میں اختیار کی۔ ایک ماہ سے کم عرصے میں میں نے اپنی بلڈ پریشر، یورک ایسڈ اور کولیسٹرول کی ادویات لینا چھوڑ دیں۔ تب سے اب تک نہ بلڈ پریشر کا مسئلہ رہا نہ اور یورک ایسڈ کی وجہ سے ہونے والی دردیں ہیں بلکہ الٹا سات ماہ میں میرا سولہ کلو وزن کم ہوا ہے اور اب میرا ہر دن بھرپور گزرتا ہے۔ 

صحت کی اھمیت کا احساس ہمیں جوانی میں نہیں ہوتا۔ ہم اپنی خوراک سے اپنی عادات سے ہر لمحے اپنی صحت کو برباد کرتے ہیں۔ اپنے ہر کھانے میں زہر ملا کر کھاتے ہیں جس کی وجہ سے ہمارا جسم اندر سے کھوکھلا ہوتا جاتا ہے۔ ہر روز بیماریوں کو دعوت دیتے ہیں۔ آپ اپنی گاڑی میں چند روز تک گندہ فیول استعمال کریں پھر دیکھیں کہ کیسے آپ کی گاڑی راہ چلتے کام رکنا چھوڑ دے گی۔ ہم کبھی اپنی گاڑی میں ایسا فیول استعمال نہیں کریں گے جس کی وجہ سے گاڑی کے انجن کو نقصان پہنچے مگر ہم جسم کے بارے میں ہم بہت لاپرواہ ہیں جسم کو فیول دینے کیلئے ہم کوالٹی کو نہیں چسکے کو مدنظر رکھتے ہیں۔ جدید دور کا انسان محنت کرنا چھوڑ گیا ہے کام آسان ہوگئے ہیں اور کھانے کو بےشمار آپشنز آگئے ہیں۔ کھانے میں زبان کو تسکین دینے والی کوئی بھی چیز چلے گی۔ ہمارا جسم ان چسکے والی اشیاء بیمار ہوتا ہے مگر اللہ پاک نے ہمارے جسم میں جو مدافعتی نظام رکھا ہے وہ ہماری بداعمالیوں سے ہونے والے نقصان کو زائل کرنے کی کوشش کرتا رہتا ہے۔ کھانے کے دوران وقفے کم ہونے کی وجہ سے ہمارا نقصان بڑھتا رہتا ہے اور پھر ایک وقت آتا ہے جب جسم کا مدافعتی نظام کام کرنا چھوڑ دیتا ہے۔ تبھی ہم صحت کیلئے دوائیوں کے محتاج ہونے لگتے ہیں۔۔۔۔

credit: www.myemeraldhealth.com/diet-for-obesity

ہماری خوراک ہمارا فیول ہے۔ جتنا زیادہ گندہ فیول جسم میں داخل ہوگا اتنا ہی زیادہ ہمارا جسم بیمار ہوگا۔ اگر ہمیں یہ معلوم ہوکہ کون سی اشیاء ہمارے لئے بیماریوں کا باعث ہیں اور کون سی اشیاء اصل خوراک ہیں تو ہم زیادہ دیر تک تندرست و توانا رہ سکتے ہیں۔ بلڈ پریشر ہو یا زیابیطس جیسی موذی بیماری یہ خاندانی بیماریاں نہیں ہیں۔ یہ بیماریاں ہماری بد اعمالیوں کا نتیجہ ہیں۔ عام طور پر ڈاکٹرز کہتے ہیں کہ جس کو بھی یہ بیماریاں ایک بار لگ گئیں تو اسے عمر بھر ادویات کو استعمال کرنا پڑے گا۔ جیسے ہی آپ ادویات استعمال کرنا چھوڑیں گے یہ بیماریاں آپ کی زندگی کیلئے خطرہ بن جائیں گی۔ اس ابتائیے کے بعد ڈاکٹر آپ کو ادویات شروع کروا دے گا۔ پھر سال دو سال کے اندر آپ کو ایک نئی مرض لاحق ہوگی جو شاید مسلسل دوائی کھانے اور گندی غذا کھانے سے لگ گئی ہے اس کی ایک اور دوائی آپ کی خوراک کا حصہ بن جائے گی۔۔۔۔ اور یوں آپ کی زندگی ادویات کی لڑی میں پرو دی جائے گی۔ آپ کی زندگی اس منحوس دائرے میں پھنستی چلی جائے گی۔ ادویات کھاتے جاؤ ڈنگ ٹپاتے جاؤ۔۔۔۔

میرا دوستوں کو مشورہ ہے کہ اگر آپ تھوڑی سی کوشش کریں۔ ذہن بنائیں اور اپنے کھانے پینے میں محتاط رویہ اختیار کریں تو نہ موجودہ بیماریاں رہیں گی نہ ادویات کی ضرورت ہوگی۔۔۔۔۔ ہمارے ساتھ رہ کر آپ صحت کی سائنس کو سمجھ پائیں گے۔ جس بیماریوں کی وجہ سمجھ آجائے اور جو صحت مند زندگی کو اختیار کرنا چاہے تو وہ میرے عزیز دوست جناب اصغر کی طرح فوری فیصلہ کر کے اپنی زندگی کو بدل سکتا ہے۔ میرے دوست اسی گروپ کا حصہ ہیں وہ جلد آپ کو اپنی زندگی کی بتدیلیوں کے بارے میں بتائیں گے۔

باقی باتیں تفصیل سے اگلی پوسٹوں میں کرتے رہیں گے۔ آپ سے صحت کے اس سفر پر چلنے سے پہلے صرف یہ گزارش کرنی ہے کہ آج سے دوسرے تمام معاملات کی طرح اپنے جسم کی صحت پر توجہ دینا شروع کردیں۔ کھانے کیلئے ہاتھ بڑھانے سے پہلے سوچیں کہ جو چیز آپ کھانے جا رہے ہیں کیا وہ میری صحت کیلئے فائدہ مند یا یہ صرف زبان کے چسکے کیلئے ہے؟

ادویات سے چھٹکارے کی طرف پہلا قدم اٹھائیں : چینی اور آٹے کا استعمال کم کردیں۔۔۔۔۔ جتنا کم کر سکتے ہیں اتنا کم